Tuesday, December 1, 2009

Reza Baraheni

_________




رضا براهنی

تورکچه : علیرضا سیف الدینی




یانئرئق

ه«هامانین ابدی قاییدیشی»ه
نیچه



بیز بوگون کیمین قانادینا سیغیناراق اوچوروق؟
ه
شلاله نین اوستونده کیمی گؤروروک؟ه
بوکیمدی بیزه ال ساللایان ..... کؤرپودَن؟ه
سو فوّاره سی سورتوشوموندن ..گونشدن وَ یارالاریمیزدان بوکولن کیمین گوی قورشاغی دیر؟ه
اُوو بالاسی ..... کیمین اوچوروموندان دوشوبدور؟ه
و او گویچه لیکده قیرمیزی آلمالار ..... توکولدولر بوداقدان! ..... نییه؟ه
گول یاتاغیندا بو یئر قوردلاری نه آختاریرلار؟ه
بوگون کیمین گونودور؟ه
بیز بوگون کیمین قانادینا سیغیناراق اوچوروق؟ه


بو یوللار بو یوللار
کیمه عاییدیلر بو یوللار اگر بوتون اولچولموش بیزیم اونوموزده سریلمیش لرسه؟ سویله یین!
ه
بیزکیمین یوللاریلا یول گئدیریک؟ه


بلی
..... گاه ..... چاتمیشیق سانیریق
آمما قیزغین یوللارین تری سویورکن
اوزاقدا
..... وَ بئیین ده ..... دولاندیریرلار صحنه نی گؤرونمز باخانلار گؤرسونلر دییه
چوخ تلسیک گلدیییمیزی آنلیریق
ائله بیل چاتدیغیمیزی بیلدیریمیش اولان یئردن سووشموش اولمالییق
بلی، هَمَشه بیز سون دوراجاغین او طرفینده ائنمیشیک
ه- زیروه لرین او طرفینده و اوچوروملارین درینلیک لرینده
چیچگین او طرفینده قادینین او طرفینده قادین ساچینین ایی سینین او طرفینده او گنجین او طرفینده
زیروه لری زیروه لری زیروه لری نئجه کئچدیک؟
ه
زیروه لری کئچن کروانلارین کئچید زینقیرولارینی کروانلارین دوشمه سی سونراسی سانکی چالیردیلار
و دولاندیریردیلار صحنه نی گؤرونمز باخانلار گورسونلر دییه


ه- چوخ یاخشی ..... ایندی ... نیله مه لی ییک؟-ه
بیز اصرار ائدینجه «چوخ یاخشی» دئمه یین دئییرلر
قاییدین
..... ایلک دوراجاقلار دؤرد یولونون ایلک دوراجاغینا
وَ
یولا دوشون کئفلنن مین لرجه قاوال یئرینین ابتداسیندان!
ه
بلکی بو سفر، سون دفعه نیز اولاجاق-ه
ه- نئجه؟ ..... بیز زیروه لردن کئچدیک! ..... و زیلی سیز چالمیشدینیز!-ه
ه- خیر! ..... قاییدین! ..... بلکی سون چاتماغا ..... اوزوزدن خبرسیز یولدان خبرسیز چاتارسینیز!-ه
ه«چوخ یاخشی» دئمه ریک دئییریک ..... چونکی صحنه دییشیلدی
آمما دئیین
..... بوگون کیمین گونودور؟..... کیمین آیینداییق؟..... و کیمین قاناداینا سیغیناراق اوچوروق؟ه


ای زیروه! یوخولاریمیزدا بیز سنی گوروروک
..... سنده بیزی یاکی یوخوموزوگورورسن می؟ه

سازلاراوسته نغمه چالاردیق نوت اویرنمه دن اونجه وَ قوناقلار ال چالاردیلار هلهله ایله
نوت اویرنمه دن اونجه
..... آلقیشلانیردیق ..... اوّل نوتی اویرنمه دن اونجه
و قاچاردیق
..... آیاقلار نوتونو اویرنمه دن اونجه
بیزیم یئنیلمه ییمیزین سرّی بیزیم بو طرزیمیزده دیر
دئدیلر: - آداملار باده ناب یئرینه سو ایچیب کئفلنیرلر.
ه
آمما سیز؟..... آخی نه کاره سیز؟-ه
ه- بیزهئچ کاره ییق..... چوخ یاخشی..... آمما دانیشیریق-ه
«چوخ یاخشی» دئمه یین دئدیلر
دئمه ریک
..... هر یئره هاراسان قاچاریق..... ویورقونلوق بیلمه ریک

ای زیروه! یوخولاریمیزدا بیزسنی گوروروک
...سنده بیزی یاکی یوخوموزو گورورسن می؟ه

و قادینجا ساچ عطری محو اولور
اوو بالاسی اوچورومدان آشاغیا دوشور
گونش لر نئجه سنین گؤزلرینی کور ائتدیلر
..... اوو بالاسی؟ه
و سنین باخیشنین کهکشنی بوشدور..... اووبالاسی!ه

سونرا بئله دوشوندوک کی بیزیم بو قاچدیغیمیزین سونو گره ک بیزیم اوچدوغوموزون باشلانیشی اولسون
تورپاغین اوستوندن آیاغا قالخدیغیمیز زامان
آنلادیق کی بیزیم بو قاچدیغیمیز دوردوغوموز یئرده قاچدیغیمیز ایمیش


دئدیک: - چوخ یاخشی
..... دوردوغوموز یئرده قاچدیغیمیزدا اوزونه گؤره بیرایش دیر
دئدیلر: - سوس!
..... دئدیک: - بیز سیزه هئچ بیرسوز دئمه دیک!ه
دئدیلر: - سیزین خیالیزدا عجیب شئی لر کئچیر مثلاً...-«چوخ یاخشی» دئمه دیک-ه
دئدیلر: - سوس!ه
بو آندا غریب بیر رقصی رقص ائتدیغیمیزی آنلادیق
نوتو اویرنمه دن اونجه سازلار اوسته چالدیغیمیز زامانلار کیمی
و قوناقلار ال چالیردیلار وَ اویناییردیلار
قیزغین چینقیل داشلارین اوستونده اویناییردیق
...اوچماق باشلامادان اونجه اویناییردیق
دَیَرلی و مشقیلی و توققوشان آتلار کیمی
..... رقص ائدیردیک و قوناق لار گولوردولر
قان قیزغین چینقیل داشلارین اوستونه آخیردی
باش پاپاق سیز
..... بوتون شالوارلار گئنیش..... الینده اتک...چیینینده بویوروقلار یوکو
و گونش ده درینلیکدن
..... چؤلون تاوالارینی پاریلداتماقدا
چؤلون تاوالارینین اوستونده رقص ائدیردیک
گله جکده بیزیم اعلا و داها اعلا ایشلریمیز وار دییه فریاد ائدیردیک
باغلار، گوللر و چایلار و دنیزلرله دانیشماغا
...واختیمیز یوخودو....عمور وآی و زامان حاققیندا دوشونمه یه ده
دونیانین خاطیره دریاسینین یئنی دن یاراتماسینی
....سیز اوچون زامانی تلف ائتمک بیلیردیک
دئدیلر: - سیزین سوزلرینیز آیدین دئییل!
..... سیز بیزیم دیلیمیزی باشا دوشورسونوز می؟-ه
بیزسوزلریمیزی تکرارلادیق
هر ایکی یؤندن سؤزو دوز یورا بیلمه میشدیک
دئدیک: - بیزبیربیریمزله دانیشیقداییق –
ه
دئدیلر: - قاریشقالاردا بیربیرلریله دانیشیقدادیلار یا دانیشیقدایدیلار-ه
دئدیک: - باغیشلایین، سیزین بو سؤزلرینیز آیدین دی-
دئدیلر: - سیزین سوزلرینیز
..... سیزین بوسوزلرینیزین آیدینلیغی بیله..... آیدین ده ییل-ه
دئدیک: - چوخ یاخشی..... دانیشمیریق-ه
دئدیلر: - بودا بوسبوتون آیدین دئییل ..... «چوخ یاخشی»نی دا سویله مه یین-ه


بو چؤل تاوالاری بو چؤل تاوالاری بو رقص


سونرا یئل اَسدی، گؤی باغیردی: - سون هاردا؟-
ه
بوآندا اوزون بیر قاناد گلدی..... آسلاندیم او قاناددان ..... قالخدیق یئردن
هئچ واخت سوروشمادیق:
..... بو سفر بیز کیمین قانادینا سیغیناراق اوچوروق؟ه
گئتدیک
و جیزیقلی بیر دونیا آیاقلاریمیزین آلتیدان قیشقیریب آرخادا محو اولوردو
دونیا بیر سرعتله گئدیردی کی ائله بیل گئده جاق ابدی گئده جاق
اورا چاتدیغیمیزی ساندیغیمیز زامان چاتدیغیمیزی بیلدیرمیش اولان یئردن سووشدوغوموزو آنلادیق
آرخادا قالمیش اوجالیقدا شلاله لرین اوستونده کی زیروه لرده
..... یئنه آغ بیرال ساللانیردی
و زیل چالیردیلار
کؤرپو باغلی دی و، ال ساللانیردی
..... و زیل چالیردیلار
اووبالاسی زیروه دن دره یه آتلانیردی
..... و زیل چالیردیلار
بیر گؤی قورشاغی آرخادا یاییلیردی
..... و زیل چالیردیلار
یانیق آیاقلاری قیزغین چینقیل داشلارین اوستونه باسدیق
دئدیک: - داها سیز دئمه یین
..... بیز اؤزوموز دییه ریک هئچ واخت «چوخ یاخشی» دئمه ریک
و قاییداریق
..... ایلک دوراجاقلار دؤرد یولونون ایلک دوراجاغینا
تاکی یئنه یولا دوشک کئفلنن مین لرجه قاوال یئرینین ابتداسیندان
ایندی
..... بیزده باده ناب یئرینه سو ایچیب کئفله نیریک
گول یاتاغیندا بو یئرقوردلاری نه آختاریرلار؟
ه
بو چؤل تاوالاری بو چؤل تاوالاری بو رقص


باغیشلایین کی بو سؤز سؤیله مه لیدیر:
ه
بیرگون گون باتانا قالمیش ایشیقلی گؤیدن گؤزل بیرآروادی آتدیلار یئره
ائله بیل زیروه دن دوشدویو آندان یوخو دایدی
گؤردوک
..... یئر گوی آراسیندا گؤزلرین آچدی ..... وَ یئنه یاتماغا چالیشدی
دوشمه یین آییقلیغی اونا ماجال وئرمه دی
دوشدو
..... قوش قصرینین دامینا
اونو یوزلرجه قوش قانادلارینین اوستونه اوتورتدولار گؤتوردولر
و اوچورومدا قادینجا ساچ عطری یئلده اسیردی و َ قانادلا اسیردی
بو آندا مئیدانین اورتاسیندا داشلارین آلتیندا بیر اوغلان گؤیردی
یاش سیز و ساده و گؤزل
..... آغ صوراتلی..... قاراگؤزلو
بیزی گؤرونجه دئدی: - بوردا نه ایش گؤرورسونوز؟
ه
دئدیک: - چؤل تاوالارینین اوستونده کی رقص آیینی بیتدی
ایندی یالنیز یانیریق
گلدی
........ وَ دوردو و بیزی سیر ائتدی
دئدیک : - بیرشی سؤیله
!ه
اوّلجه ........ هئچ بیر شئی سؤیله مه دی .... آنجاق گولومسه دی
بیز اومیدسیز قالینجا دئدی: - چوخ یاخشی-
ه
بیزدئدیک: - آرتیق «چوخ یاخشی» دئمیریک ... امروئریب لر دئمه یین-ه
قاییتدی
آغلیردی
و گئتدی
یئر آلتیندا گیزلنیب دیر بیلیریک


ایندی یالنیز یانیریق
حاضرلانیریق
........ یانیریق
یاش سیز اوغلانین «چوخ یاخشی» دئمه یینین ... غریب بیر طرزی واریدی
باشقالاریندان فرقلی دی ........ بیزیمکی له ده
تازا بیر سورغو تاپیلمیشدی:
ه
ه- نه واخت اؤز قانادلارینیزلا اوچاجاقسینیز؟-ه
بیلمیریک
بلکی بوسورغونون جاوابینی بیلن یئر آلتیندا گیزلنیب دیر
یانیریق
حاضرلانیریق
یانیریق


.
.
10/3/72
____________

No comments: